Бо диле пур аз гамхо, меравам, ки боз оям
Дар мисоли шабнамхо, меравам, ки боз оям
Ман на чугди вайрона, булбуле ба бустонам
Дар суроги хамдамхо, меравам, ки боз оям
Аз чидоли душманхо дар дилам кучо биме
Ман ба юмни Рустамхо, меравам, ки боз оям
Дар кавири хушкида, аз аташ наметарсам
Дар хавои Замзамхо, меравам, ки боз оям
Дурй аз худии худ, имтихони такдир аст
Аз Каёнаму Чамхо, меравам, ки боз оям
Пирамарде
Пирамарде хар пагохй
Гирди хавзи холй аз об
Медавад.
Гуиё ки медавад у даври худ.
У чавониро хамин чо:
Гирди ин хавз -
Он замон пуроб
Гум намуда
Холиё,
Бо умеде медавад
То ки шояд
Лахзае ойинаи ин хавз
эхё шавад
Гум шавад у дар чавонй.
Теша ва реша
Вакте ки теша
Дар реша орамид,
Беди бахтбаргашта
чун нек назар кард,
Дар дастаи он
Шохи шикастаи худро шинохт.
Ҳар бахор
Дар истгоҳи зиндагй
Интизорам:
-Кош имсол
Дар рикоби абрҳои нуқрайи
Боз ояд модарам
Буқчае дар даст шоду бо нишот
Биншинад дар гушаи кат.
Бачаҳоям хамчу чуча
Даври домонаш ба ҳам даъво кунаанд,
Ҳар яке гуяд:
-Буқча моли ман
...
Истгоҳи зиндагй
Хилват асту холй,
Аммо
Чашм бар рохам ,ки
шояд дар қатори турнаҳо
Мерасад аз раҳ падар
Кулабораш пур зи нони ширмол,
Себу зардолуи бозори Хучанд,
Пиставу ҳам каллақанд.
Мепарем чун шаҳпарак бар суи у
Буса мегирем зи дасту руи у
-Ҳадяам те,
-Ҳадяам те.
...
Абр омад,
Корвони турнаҳо бигзашту рафт,
Обхо дар чуйхо чорй шуданд,
Сар кашиданд сабзахо аз қалби хок,
Сад дарего!
Модарам пайдо нашуд,
Аз падар ҳам на нишону на хабар.
Ман хамегуям ба худ:
Аз катор чо мондаанд,
Боз хам парвоз кансел шуд.
...
Ҳамчунон дар истгохи зиндагй
Чашм бар рохам.
То ки рузе мерасад аз раҳ қатори холие
Мебарад бо хеш манро.
Боз борон
Руйи боми хонаҳо даф мезанад
Беди мачнун
Баргҳои шуста дар даст
Бо насим каф мезанад.
Мову ту дар зери чатр
Даргурез аз сардии рузи баҳор
Шокири ин ҳадяҳои Кирдугор
Рафтаем дар чисми ҳамдигар фуру
Бо нигоҳи чашмҳо дар гуфтугу.
Набзҳомон чуфт бо ҳам
Қалбҳомон ҳамсадо,
Гарм мепечад нафасҳомон
Чу гулҳо дар фазо.
Эй хушо ин синапайванд,
Эй хушо симфониё!
Дар ёди модар
Дар сина дил ситезад, омад бахор бе ту
Об аз ду дида резад. омад бахор бе ту.
Бе киблагоху бе ту, дар зери гардуни дун,
Шодй зи ман гурезад, омад бахор бе ту.
Дар пуштаи мазорат, дар водии хамушон
Имруз сабза хезад, омад бахор бе ту.
Дишаб, ки мегиристам дар гурбати ятимй,
Борон ба шиша мезад, омад бахор бе ту...
Хучаста пир мешавад
Биё, гули баҳориям,
Биёву аз вучуди ман хазонро бирон
Баҳорро биёвару канори ман бимон
Биёву накҳати баҳориро ба қалби ман бирез
Ва хайли яъсро, ки ҳастии маро асир кардааст
Маро даруни чолаҳои ҳарза пир кардааст
Зи ман зудо
Чавонаҳои эътимоду эътиқодро дубора руҳи ишк бидеҳ
Дами масеҳие бизан
Маро зи "ман" бикун чудо
Биё, гули баҳориям
Суроғи ман бигир , ки фурсати дубора рустан аст
Ва фасли интизори сабзро мачоли чустан аст
Биё, ки Юсуфи умедро зи чоҳ берун оварем
Азизи Мисрро ба дашту ҳомун оварем
Ва хуни лоларо ба гургҳо диҳем
Ки пираҳан зи атри ишқ лолагун шавад
Ва чоҳи кина сарнагун шавад
Биё, гули баҳориям
Маро ба боли бодҳо нишон
Зи ёли ёдҳо раҳон
Ки хаста шуд дилам зи хотирот
Ки дар замирашон ба чои зиндагй мамот
Ҳама пур аз дареғу нолаанд
Чу киштиҳои по ба гил
Ки "оҳ" нохудояшон
Ба ҳукми як зуболаанд
Биё, гули баҳориям
Биё, ки дер мешавад
Биё, ки шохаҳои сарви интизор
Ба сина тир мешавад
...Хучаста пир мешавад.
Ханда ва гиря
Барои набераам Илоҳа
Бо навои гиряҳои қудсиаш
Кудаке бар олами ҳастй расид.
Навчавоне шуд падар,
Наварусе модаре шуд,
Шодии бобову бибй
Чун фаришта пар кашид,
Пардаи абри надоматро дарид.
Лек, Илоҳа -
Кудаки ширини ман,
Бехабар аз ин ҳама буду набуд,
Дидаи маъсум ба ин дунё гушуд.
Баъд аз ин
Ин зиндагй мачрои дигар мегирад,
Ғусса андар марзи дилҳо мемирад.
Бор Илоҳо!
Хандаҳояш гиряи шодй шавад,
Гиряҳояш хонаободй шавад!
Имшаб чу шабҳои дигар
Хобам наомад то саҳар, имшаб чу шабҳои дигар
Ман будаму билишти тар, имшаб чу шабҳои дигар
Акси рухи моми азиз дар оби чашмам хушк буд
Ман ру ба руяш чун ҳачар, имшаб чу шабҳои дигар.
Мегуфтам, эй модар чаро манро чунин кардй раҳо
Бибридй аз ман болу пар, имшаб чу шабҳои дигар
Бар Каҳкашонҳо сар задам, шояд, ки дар ин бекасй,
Ёбам нишоне аз падар, имшаб чу шабҳои дигар.
Бе ту ғарибам, эй падар, ман беҳабибам, эй падар,
Дар қайди ин даҳри дудар, имшаб чу шабҳои дигар...
Девонаам, девонаам, имшаб чу шабхои дигар
Аз хештан бегонаам, имшаб чу шабхои дигар.
Хачри рухи зебонигор, манро намуда бодахор,
Лабрез бин паймонаам, имшаб чу шабхои дигар.
Чун бода махмурам кунад, аз хештан дурам кунад,
Дар олами афсонаам, имшаб чу шабхои дигар.
Ман бодаро масти дихам хар бударо хасти дихам,
Гуи ки ман фарзонаам,имшаб чу шабхои дигар.
Мургони хасти масти ман, афтода андар шасти ман,
Хам обаму хам донаам, имшаб чу шабхои дигар.
Ман майкашонро май дихам, хам нолахо бар най дихам,
Масчидаму бутхонаам, имшаб чу шабхои дигар.
Хохам, ки суи у равам, аз чокарони у шавам,
Дар по вале завлонаам, имшаб чу шабхои дигар
